Страчаныя тапанімічныя адзінкі Беларусі: прычыны знікнення

Abstract

Айканімія Беларусі ў цэлым за перыяд свайго станаўлення і развіцця перажыла істотныя змены. Асобныя паселішчы зліліся, аб’ядналіся ў буйнейшыя, атрымаўшы агульную назву нейкага перспектыўнага паселішча, напрыклад, аграгарадка. У савецкі перыяд як вынік ідэалагізацыі ў вялікай колькасці архаізаваліся шматлікія назвы, якія найчасцей памылкова суадносіліся з імёнамі асоб царскага, імператарскага, панскага паходжання, назвы, якія былі звязаны з рэлігіяй, служыцелямі культу, сведчылі пра асаблівасці былога землеўладання, тагачасных промыслаў, некаторых архаізаваных заняткаў людзей. Аднак такія адзінкі ўяўляюцца як каштоўныя помнікі духоўнай культуры народа, захавальнікі былога слоўнікавага багацця рэгіёна, сведчаць аб былой і сучаснай флоры і фаўне мясцовасці, мінулых занятках насельніцтва, моўнай спадчыне.