Напоўненасць састаўных частак бяззлучнікавага складанага сказа

Abstract

У артыкуле даецца аналіз лексічнай напоўненасці i характарызуецца структурная разнастайнасць прэдыкатыўных частак бяззлучнікавага складанага сказа ў сучаснай беларускай літаратурнай мове. Адзначаецца розная частотнасць ужывання бяззлучнікавых складаных сказаў у апавядальным, паэтычным,навуковым тэкстах, аўтарскіх рэмарках драматычных твораў i розная напоўненасць састаўных частак. Звяртаецца ўвага на структурную разнастайнасць частак бяззлучнікавых складаных канструкцый. Праведзены аналіз фактычнага матэрыялу дазволіў зрабіць наступныя вывады: а) лексічная напоўненасць бяззлучнікавых складаных сказаў у дыялагічным i маналагічным маўленні значна вузейшая, чым у аўтарскім апавяданні; б) спектр напоўненасці састаўных частак у літаратурнай мове надзвычай шырокі: ад сказаў, састаўныя часткі якіх маюць форму намінатываў-ланцужкоў, да бяззлучнікавых канструкцый, у складзе якіх знаходзяцца ўстаўныя сказы.