Утварэнне суфіксальных індывідуальна-аўтарскіх неалагізмаў-прыметнікаў з рознай ступенню інтэнсіўнасці якасці

Abstract

У артыкуле на матэрыяле беларускіх мастацкіх тэкстаў 2-й паловы XX — пачатку XXI ст. разгледжана словаўтварэнне суфіксальных індывідуальна-аўтарскіх неалагізмаў-прыметнікаў з рознай ступенню інтэнсіўнасці якасці. Яны ўтвараюцца з дапамогай суфіксаў -іст- (-ыст-), -аст- (-яст-), -ават- (-яват-), -ав-, -ат- ад назоўнікаў, прыметнікаў і дзеясловаў. Індывідуальна-аўтарскія неалагізмы-прыметнікі з суфіксамі -іст- (-ыст-) валодаюць высокай словаўтваральнай актыўнасцю, з суфіксамі -аст- (-яст-), -ават- (-яват-) выкарыстоўваюцца трохі радзей. Словы з іншымі суфіксамі сустракаюцца ў адзінкавых выпадках. Большасць з гэтых неалагізмаў-прыметнікаў утвараецца ў адпаведнасці з існуючымі ў літаратурнай мове словаўтваральнымі тыпамі.